Saturday, 15 April 2017

நண்பர்களுடன்வா ல்பாறை சுற்றுலா

நண்பர்களுக்கு வணக்கம்.

நீண்ட நாட்களுக்குப் பிறகு தங்களுடன் எனது சுற்றுலா அனுபவங்களைப்  பகிர்ந்துகொள்வதில் மகிழ்ச்சியடைகிறேன்.
சென்னையிலிருந்து காலை ஆறு பத்துக்குப்  எனது மகிழுந்தில்  புறப்பட்டு பகல் பன்னிரண்டு ஐம்பதுக்கு சேலம் சேர்ந்தேன்.
அங்கு எனக்காக காத்திருந்த நண்பர்களுடன் மூன்று மகிழுந்தில்  மொத்தம் பதினொருபேர் இன்ப உலாவாக  கோவை வழியாக பொள்ளாச்சி சென்றடைதோம்.இரவு நேரத்தில் மலையேற அனுமதி இல்லாததால் .இரவு பொள்ளாச்சியிலேயே தங்கி விட்டோம்.
அடுத்தநாள் காலை பதினோரு
மணிக்கு மூன்று மகிழுந்துடன் இன்னொன்றும் சேர்ந்து மொத்தம் நாலுவதுமாய் சேர்ந்ததும் மகிழ்ச்சிக்கு எல்லையே இல்லை.அங்கு தின்பண்டங்கள் உணவு சமைக்க வேண்டிய பொருட்களுடன் மற்றும் சில இத்யாதிகளுடன் எல்லோரும் புறப்பட்டு சென்றோம்.வழியில் குரங்கு வீழ்ச்சி (monkey falls)செல்லாமென நினைத்து ஆழியாறு அணையைக் கடந்து சென்றால் அதிர்ச்சி?காரணம் தண்ணீர் இன்றி பரிதாபமாக குரங்குகளே வரிசையாய் பரிதாபமாய்இருந்தது. நாங்கள் எடுத்துச் சென்ற குடிநீர் பாட்டில்களிருந்து ஒன்றிரண்டை பகிர்ந்தளித்தோம்.

எமது குழுவிலிருந்த அத்தனை நண்பர்களின் ஒருமித்த உற்சாகத்துடன் மலையேறி வால்பாறையில் மதிய உணவருந்திவிட்டு மேலும் மலையேறத் தொடங்கி உற்சாகம் குறையாமல் தொடர்ந்து சென்றோம்.அங்கு எங்களுக்காக காத்திருந்த நண்பரின் வீட்டில் தங்கினோம்.
















இரவு ஏழு மணிக்கே  இரவாகிவிட்டதால் வெளியில் செல்ல அனுமதியில்லை.அங்கு வரும் ஒரே ஒரு பேருந்தும் ஆறு மணிக்கே சென்றிருந்தது.அங்கிருந்த நண்பரோ இனி வெளியில் நிற்கக் கூடாது  என்றும் ,புலி,சிறுத்தை,காட்டெருமை,யானை போன்ற மிருகங்களின் நடமாட்டம் அதிகம் இருப்பதையும் எச்சரிக்கை செய்தார்.

நான் மட்டுமல்ல என்னோடு பயணித்த பெரும்பாலான நண்பர்கள் பீதியில் பயந்தனர். எப்படியோ பயத்தோடும்,பயணக் களைப்போடும் இரவில் தூங்கினோம்.சில நண்பர்கள் மட்டும் கூட்டம் சேர்ந்தால் கொண்டாட்டம்தான் என்று அதிகாலைவரை கச்சேரிதான் என்று காலை எழுந்தவுடன் கேள்விப் பட்டு நொந்துபோனேன்.இருந்தாலும் சுகமான பயணம் தொடர்ந்த உறக்கமென காலை எழுந்ததும் உற்சாகமாய்  மேலும் பயணித்து சின்னக்கள்ளார் அணையை பார்க்கச் சென்றோம்.





அங்கிருந்த காவலாளி,அய்யா இங்கு தரையில் எங்கும் இறங்க வேண்டாம் ராஜநாகங்கள் நடமாட்டம் அதிகமென மேலும் பீதியை கிளப்பினார்.அருகிலிருந்த நண்பர் தைரியமாய் கீழிறங்கினார்,சிறிது தூரம் சென்றவர் பதறியடித்துக் கொண்டு அலறியபடி வந்தார்.தான் அங்கு ராஜ நாகத்தைப் பார்த்ததாகவும்  பார்த்ததும் பயந்தோடி வந்ததாகவும் சொல்ல மகிழுந்தின் கண்ணாடிகளை மூடிக்கொண்டு அந்த இடம் சென்றதும் அதிர்ச்சியடைந்தோம்.காரணம் அங்கும் அப்போதுதான் ராஜநாகம் தோலுரித்து  போட்டுச் சென்றதும் தப்பித்தோம்  பிழைத்தோமென கிளம்பினோம்.Image result for ராஜநாகம் பாம்பு


கவியாழி

Wednesday, 27 July 2016

வயது இரண்டென் ஒன்பதில்

வயது  இரண்டெண் ஒன்பதில்
வாலிபம் தொடங்கிய நிலையில்
பயமென தெளிந்த பருவத்தில்
பார்வையால் காதல் கொண்டோர்

பள்ளியைத் துறந்துமுடித்துப்
பல்கலைப் படிப்பில் நுழைந்து
பிள்ளையைப் பொறுப்பாய் வளர்த்து
பிணையில்லா வேலைக் கிடைக்க

மெல்ல வெளியுலகில்உலவ
மிதமான அறிவுரைச் சொல்லி
செல்லமாய் சிறகடித்துச் செல்ல
சினமின்றி வழி சென்றோர்

கள்ளமின்றிக் கல்வியைக் கடந்து
கைநிறையக் காசுக் கிடைத்தும்
உள்ளம் மாறாமல் பெற்றோர்
உறவினர் நண்பர்கள் வாழ்த்துரைக்க

இல்லறம் தொடங்கும் இனியோரும்
இணைந்தும் பிணைந்தும் இருப்பார்கள்
சொல்லறம் புரிந்தும் மகிழ்வார்கள்
சோதனை இடறின்றி வாழ்வார்கள்



கவியாழி.......


Sunday, 5 June 2016

39 வது புத்தகக் கண்காட்சியும் எனது "என்றுமே மகிழ்ச்சியாய் வாழலாம்' புத்தகமும்

                 அன்பார்ந்த நண்பர்களே! அனைவருக்கும் எனது மகிழ்வான . நேற்று வணக்கங்கள். நேற்று சென்னை தீவுத்திடலில்  நடைபெற்றுவரும் புத்தகக் கண்காட்சியைப் பார்பதற்காக சென்றிருந்தேன். நல்லப் பரந்துவிரிந்த இடத்தில் தீவுத்திடல் தமிழ்நாடு உணவு விடுதிக்கும்  போர் நினைவு சின்னம் அருகில் எல்லோருக்கும் வசதியான இடத்தில் அமைந்துள்ளது.

           சனிக்கிழமை என்பதாலோ அல்லது  பள்ளிகள் திறந்த காரணத்தினாலோ சற்று கூடம் குறைவாக இருப்பதாகவே உணர்ந்தேன்.நல்ல அகலமான  விசாலமான அரங்கில் நிறையக் கடைகள் இருந்தன.இன்னும் சில கடைகளைத் திறக்காமலும் வைத்திருந்தனர்.

             எனதுப் புத்தகம் வெளியிடும் புத்தகக் கடைக்கு சென்றேன் அங்கு எனது புத்தகம் எல்லோர் கண்ணிலும் படும்படியான இடத்தில் கண்ணைக்கவரும்படி
வைத்திருந்தார்கள்.அதுப்பற்றிய  புகைப்படங்கள் தங்களின் பார்வைக்கு சமர்பிக்கிறேன்.






நண்பர்களே தீவுத்திடலிலுள்ள புத்தகக்கண்காட்சிக்குச் செல்லுங்கள் என்னோட புத்தகத்தோட மற்ற எழுத்தாளர்களின் புத்தகங்களையும் வாங்கி மகிழுங்கள் .நிறைய நண்பர்களுக்கு புத்தகங்களைப் பரிசாக வழங்கி புத்தகம் படிக்கும் ஆர்வத்தைத் தொடங்கிவையுங்கள்

Wednesday, 1 June 2016

என்றுமே மகிழ்ச்சியாய் வாழலாம்-12.06.2016 அன்று புத்தக வெளியிடு

அன்பார்ந்த வலைப்பூ நண்பர்களுக்கு,

நான் நீண்ட நாட்களாக அதிக வேலைப்பளு மற்றும் சில காரணங்களாய் தங்களோடு தொடர்பில் இல்லாமைக்கு வருந்துகிறேன்.

நான் கடந்த காலங்களில் தொடந்து வலையில் எழுதி வந்த கவிதைகளின்  இரண்டாவது தொகுப்பே " என்றுமே மகிழ்ச்சியாய் வாழலாம்",இதைப் படித்தவர்கள் எழுதிய கருத்துக்களை :kaviyazhi.blogspot.com  என்ற எனது வலைப் பக்கத்தில்  காண முடியும்.இந்தப் புத்தகம் தவிர இன்னும் நிறைய  கவிதைகள் மற்றும் கருத்துள்ள கட்டுரைகள் ,துணுக்குகளைக் காணலாம்


இன்று தொடங்கிய  புத்தகத் திருவிழா நடைபெறும் சென்னைத் தீவுத்திடலில் வரும்12.06.2016 அன்று மணிமேகலை பிரசுரத்தாரால் அறிவு சார்ந்த தமிழ் இலக்கிய ஆன்றோர்களும் தமிழ் சான்றோர்களும் வெளிநாட்டில் வசிக்கும்  தமிழ்அறிஞர்களும் மற்றும் எழுத்தாளர்களும் என்னைப் போன்றோர்களும்
கலந்துகொள்ளும் சிறப்பானதொரு நிகழ்ச்சி நடைபெற உள்ளது.

நாடே வியக்கும் நல்லதொரு விழாவிற்கு தமிழ் வலைப் பதிவர்கள்,நலம் விரும்பும் நல்ல நண்பர்கள் அனைவரையும் வருக வருக என்றும் எனது புத்தகத்தை வாங்கி நல்லக் கருத்துக்களைப் படித்து தொடர்ந்து ஆதரவளிக்குமாறு சிரம் தாழ்ந்த வணக்கத்துடன் கேட்டுக்கொள்கிறேன்

----கவியாழி-----

Sunday, 10 January 2016

மற்றவர் மனதிலும் வாழலாம்......


மாமழை தொடர்ந்த சென்னையிலே
மதங்களும் அழிந்தது உண்மையிலே
பூமாலை படைக்க மறுத்தது-மனிதம்
புரிந்தது தெரிந்தது உணர்ந்தது

கடும்மழை அதிகம் பொழிந்தும்
கரைகள் பலதும் உடைந்தும்
படும்துயர் அறிந்துத் தமிழன்-உடனே
பகிர்ந்தனர் உணவை விரைந்து

மதங்களைக் கடந்து  இணைந்தனர்
மனிதனைக் கடவுளாய்  நினைத்தனர்
பெருந்தவம் கிடைத்ததாய் எண்ணியே-விரைந்து
பெருமையாய் உதவினர் மகிழ்ந்தனர்

மாபெரும் மனிதனாய் மாறலாம்
மக்களின் மனதில் வாழலாம்
மனிதனை மக்களை மதித்தாலே-என்றும்
மற்றவர் மனதிலும் வாழலாம்



---கவியாழி---